本帖最後由 MissTheme 於 2018-1-26 13:25 編輯
3. 咁點可以題題拎到75%分數? 當然唔同題目有唔同評卷準則同埋要求,唔能夠好簡單咁講,做到啲乜嗰題就保證有75%分數。但調轉咁答你,如果時間分配錯左,咁就一定無75%分數, 隨時同五星星說再見。叫你拎滿分梗係難,但每題拎75%呢?就算拎唔到 75%,拎到70%都叫有5*啦。咁所以每一題時間分都要好小心。 第二要注意嘅地方當然係對題啦。無人要你拎滿分,但個答案要對應到題目要求。所以寧願多花時間審題,諗好左先答,拎到75%分數就夠喇。 第三就係要利用通識科嘅知識同埋概念。記住通識科唔係吹水科,老師改卷都會睇同學仔有無利用到相關概念。舉例咁講,點解會有年人人去整容嘅(2015年 卷一Q2),如果你就咁答,佢睇到啲女明星好靚女,所以去模仿埋一份,咁就唔叫落左概念。應該改為傳媒因素影響:年輕人喜歡追星,並模仿偶像行為,從而增強自我形象。 傳媒因素、模仿、自我形象,呢啲都係Marker鐘意嘅Keyword。 ——————————————————————
記住喇,名校DBS DGS QC 都拎唔到滿分,都係拎75%分數拎5**。通識科真係唔係求滿分,而係求5**,即係75%分數。 各位同學記得好好消化一下哦~!下一篇我哋再見~!
|